මුලින්ම මේ සඳහා හොඳින් පැසුණු වෙරළු තෝරාගන්න. වෙරලු ටික සෝදා හොඳින් තම්බාගන්න. හොඳින් තැම්බෙන බව තේරෙන්නේ භාජනය තුළ වෙරළු ගෙඩි දෙකට පැළුණු පසුවයි. ඉන්පසුව ලූනු පළුවක්, සුදුලූනු බික් 3ක්, කුරුඳු කැබැල්ලක්, රම්පේ කැබැල්ලක්, කරපිංචා කොළ ටිකක් ගෙන හොඳින් සෝදා සූදානම් කරගන්න. අමුමිරිස් කරල් 3ක් මෙයට එකතු කරගන්න. තෙල් ටිකක් ගෙන ලිප තබා මේ සියලු ද්රව්ය දමා තෙම්පරාදු කරන්න. ඉන්පසු ගින්දර අඩුකර මිරිස් කුඩු දමන්න. ඒ සියල්ල ලිපේ බැදෙනවිට හැකි ඉක්මනින් පොල්කිරි කිරි ස්වල්පයක් එකතු කරන්න. බැදපු තුනපහ කුඩු ද එයට එකතු කරන්න. ඒ සමග ලුණු අවශ්ය පමණට එකතු කරන්න. ඉන්පසු එය මදගින්නේ සෙමින් පිසෙන්න තබන්න. විනාඩි 5ක් පමණ තබන්න. ඉන්පසු ලිපෙන් බාගන්න. කැමති නම් සීනි ස්වල්පයක් ද එකතු කරගෙන ආහාරයට සූදානම් කරගන්න.